Avropa Şurası Parlament Assambleyasının yaz sessiyası zamanı strukturun Azərbaycana qaytarılması məsələsi müzakirə olunmayıb.
“Armenpress”in məlumatına görə, bunu Ermənistan Parlamentinin AŞPA-dakı nümayəndə heyətinin üzvü, deputat Vladimir Vardanyan Parlamentdə jurnalistlərlə söhbətində deyib.
“Azərbaycanın struktura qaytarılmasına gəlincə, o məsələ AŞPA-da müzakirə olunmayıb”, – deputat bildirib.
Onun sözlərinə görə, bu, o zaman mümkün ola bilər ki, Azərbaycan qəbul edilmiş müvafiq qətnamədə nəzərdə tutulan öhdəlikləri yerinə yetirsin.
Vardanyan əlavə edib ki, hər ilin yanvarında başlayacaq AŞPA-nın istənilən yeni sessiyası yeni nümayəndə heyətinin yeni səlahiyyətlərinin təsdiqini və ya rədd edilməsini nəzərdə tutur.
