Ermənistan Daxili İşlər Nazirliyi aprelin 23-də Tavuş sektorunda Ermənistan-Azərbaycan təmas xəttinin dəyişdirilməsinin həyata keçiriləcəyi ilə bağlı yayılan xəbərləri təkzib edir. Daxili İşlər Nazirliyi həmçinin Ermənistanın suveren ərazilərinin Azərbaycana veriləcəyi xəbərini təkzib edib.
ER Daxili İşlər Nazirliyinin bəyanatında deyilir:
“Sosial şəbəkələrdə və Kütləvi İnformasiya Vasitələrində yayılan məlumatlara cavab olaraq bildiririk ki, bitişik ərazidə aparılan minalardan təmizləmə işlərinin təmin edilməsi və vətəndaşların yaxınlıqdakı minalanmış ərazilərə daxil olmasının qarşısının alınması məqsədilə onların təhlükəsizliyini təmin etmək üçün Bağanis-Voskepar avtomobil yolu bağlanıb.
Bu gün Baganis-Voskepar hissəsində demarkasiya işlərinin aparılması planlaşdırılır. Onu da nəzərinizə çatdırırıq ki, Ermənistan Respublikasının suveren ərazisinin hər hansı bir hissəsinin Azərbaycana veriləcəyi ilə bağlı yayılan xəbərlər həqiqətə uyğun deyil.
Bu gün Ermənistan-Azərbaycan təmas xəttində hər hansı dəyişiklik nəzərdə tutulmur. Sərhədin demarkasiyası başa çatdıqdan sonra sərhəd xəttinin mühafizəsi ER sərhəd qoşunlarına təhvil veriləcək”.
