ABŞ Dövlət Departamentinin 2023-cü il İnsan Haqları Təcrübələri üzrə Ölkə hesabatlarına əsasən, 2023-cü il sentyabrın 19-da Azərbaycanın Dağlıq Qarabağa hücumundan sonra 42 erməni (12-si mülki şəxs) itkin düşüb. Bu haqda “2023 Country Reports on Human Rights Practices: Armenia” illik hesabatında bildirilir.
“Beynəlxalq Qızıl Xaç Komitəsi (BQXK) Azərbaycanla münaqişə nəticəsində itkin düşmüş şəxslərin işlərini araşdırıb və itkin düşənlərin kollektiv siyahısının tərtib edilməsi üçün hökumətlə birgə işləyib.
BQXK-nın məlumatına görə, 1990-cı illərdən indiyədək münaqişə nəticəsində 4931 erməni və azərbaycanlı itkin düşüb, onlardan 761-i ermənilərdir.
Hökumətin məlumatına görə, ilin sonuna kimi 2020-ci ilin payızında gedən döyüşlər nəticəsində 195 nəfər (20-si mülki şəxs), 2022-ci ilin sentyabrında isə daha iki hərbiçi itkin düşüb.
“Sentyabrın 19-da Dağlıq Qarabağa hücumdan sonra 42 erməni (o cümlədən 12 mülki şəxs) itkin düşüb” – deyərək hesabatda qeyd olunub.
