Avropa Parlamenti Azərbaycanda insan hüquqlarının pozulması ilə bağlı qətnamə qəbul edib və həmin qətnamədə Avropa komissiyasını Azərbaycanla enerji əməkdaşlığını dayandırmağa və bu ölkə ilə gələcək əməkdaşlığı siyasi məhbusların azad edilməsi və insan hüquqlarının ümumi vəziyyətinin yaxşılaşdırılmasına şərt qoymağa çağırıb. .
Bundan əlavə, qətnamədə qeyd olunur ki, Azərbaycanda insan hüquqlarının davamlı şəkildə pozulması bu ölkədə COP29 konfransının hazırlanması ilə uyğun gəlmir.
Avropa Parlamentinin deputatları həmçinin Azərbaycanı bütün siyasi məhbusları azad etməyə çağırır, Azərbaycan hakimiyyətinə insan hüquqlarına və ləyaqətinə hörmətlə bağlı öhdəliklərini xatırladır və müstəqil QHT və KİV-ləri qadağan edən repressiv qanunvericiliyin ləğvinə çağırır.
Qətnamədə AB-ni insan haqları pozuntularına yol vermiş Azərbaycan rəsmilərinə qarşı sanksiyalar tətbiq etməyə çağırır.
Qətnamənin qəbulundan əvvəl keçirilən debatda deputatların əksəriyyəti Azərbaycanda insan hüquqlarının vəziyyətindən narahatlığını bildirib, Avropa Komissiyasını Azərbaycanla enerji sektorunda strateji əməkdaşlığı dayandırmağa və Əliyev rejimini strateji bir dövlət kimi nəzərdən keçirməyə son qoymağa çağırıblar. Deputatlar çıxışlarında Azərbaycanda insan haqlarının davamlı şəkildə pozulması ilə COP29 konfransının bu ölkədə keçirilməsi qərarını birləşdirmədiklərini də vurğulayıblar.
