Tavuş və Qazax sektorlarında sərhədin demarkasiyası prosesi texniki cəhətdən başa çatıb.Bu haqda parlamentin Müdafiə komissiyasının sədr müavini Armen Xaçatryan jurnalistə müsahibəsində bildirib.
“Texniki cəhətdən tamamlanıb, bu o deməkdir ki, Almatı bəyannaməsinə əsasən, Ermənistan-Azərbaycan sərhədinin keçdiyi hissə müəyyən edilib və təsdiqlənib. Yəni, bu dayaqlar Sovet Ermənistanı və Sovet Azərbaycanının sərhəd-keçid məntəqələrinə əsasən quraşdırılıb” – deyə Xaçatryan bildirib.
Ötən gün hökumət Ermənistan-Azərbaycan sərhədində 20 sərhəd nişanının yerləşdirildiyini açıqlayıb.
Neçə kilometr ərazinin əhatəyə alındığı rəsmən təsdiqlənməyib. Lakin hakim “KP”nın deputatları bildiriblər ki, söz təxminən 10-12 km barədədir.
Tavuş qubernatoru Hayk Ğalumyanın qardaşı olan “KP” üzvü Vahe Ğalumyan deyir ki, onun məlumatına görə, sütunlar arasındakı məsafə 500 metrdir.
Əgər artıq 20 sütun quraşdırılıbsa, deməli, artıq hasarlanmış hesab oluna bilən 10 km-dən söhbət gedir.
