Fransa Parlamentində “Şərqdə demokratiyanın geosiyasəti. Ermənistan, İsrail və Kürdüstan” adlı konfrans keçirilib. Bu barədə Ermənistanın Fransadakı səfirliyi məlumat yayıb.
“Aprelin 30-da Ermənistanın Fransadakı səfiri Hasmik Tolmacyan Fransa Parlamentində “Le Laboratoire de la République” analitik mərkəzinin təşkil etdiyi “Şərqdə demokratiyanın geosiyasəti. Ermənistan, İsrail və Kürdüstan” mövzusunda məruzəçi kimi iştirak edib.
Səfir Tolmacian çıxışında Fransa Parlamentində Cənubi Qafqaz və Yaxın Şərqdə demokratiyaya həsr olunmuş forumun təşkilinə görə keçmiş nazir Blankerə təşəkkür edib.
Ermənistanın ətrafında baş verən son geosiyasi hadisələrdən danışan səfirvurğulayıb ki, demokratik Ermənistanı avtokratik ölkələrin ittifaqlarına qarşı dəstəkləməklə Avropa təkcə özünün bəyan etdiyi dəyər və prinsiplərini deyil, həm də maraqlarını müdafiə edir. Bu kontekstdə səfir Tolmacyan Ermənistan hökumətinin Ermənistanda demokratiyanın inkişafı, eləcə də regionda sülhün əldə olunması istiqamətində göstərdiyi səyləri forum iştirakçılarına təqdim edib”,- məlumatda bildirilib.
