NATO-nun KFOR missiyasının komandanlığı missiya tərkibində Kosovoda yerləşən ER qoşunlarının xidmət yerinə baş çəkib. Bu barədə ER Müdafiə nazirliyi məlumat verib. Hərbi qrupunun komandiri, kapitan Vardan Amiryan qrupun vəzifələrini və xidmətin təşkili prosesini KFOR komandanlığına təqdim edib.
KFOR komandanlığı erməni hərbi qrupunun xidmətini yüksək qiymətləndirib. Bununla əlaqədar, hərbi bazanın komandiri, polkovnik Tim Deyli və KFOR missiyasının qərargah rəisi, briqada generalı Con Bozitseviç hərbi qrupun komandiri, kapitan Vardan Amiryanı və bir sıra hərbçiləri mükafatlandırıblar.
