ER parlamentinin Ermənistan-ABŞ dostluq qrupunun üzvləri Vaşinqtonda “Freedom House” təşkilatının beynəlxalq proqramlar üzrə vitse-prezidenti Jerardo Bert, Avropa və Avrasiya proqramları üzrə direktor müavini Sofiya Orloski, siyasət və vəkillik üzrə direktor müavini, Avropa və Avrasiya Regionu Demokratiya Sammitinin koordinatoru Ket Laroki və baş analitik Mayk Smelzer ilə görüşüblər.
Ermənistanda demokratik islahatlar prosesi, insan haqları, mətbuat və internet azadlığı məsələləri müzakirə edilib.
Qeyd olunub ki, son illər Ermənistan demokratiyanın möhkəmləndirilməsi sahəsində ciddi irəliləyişlər əldə edib.
Mövcud problem və çağırışlar, xüsusən də demokratiyaya hibrid hücumlar və onlarla mübarizə aparan vasitələr müzakirə olunub.
Ermənistanda demokratiyanın möhkəmləndirilməsi istiqamətində birgə işi davam etdirmək və əməkdaşlıq etmək barədə razılıq əldə olunub.
