BMT-nin İnsan Haqları üzrə Ali Komissarı Volker Türk 2022-ci ilin fevralında Ukrayna müharibəsindən sonra güclənən jurnalistlərə qarşı Rusiya hakimiyyətinin repressiyalarını pisləyib.
“Rusiyada söz azadlığına qarşı davam edən hücumlar və müstəqil jurnalistikanın kriminallaşdırılması dərin narahatlıq doğurur”, – Türk açıqlamasında bildirib.
O, “sadəcə öz işini gördüklərinə görə” saxlanılan jurnalistləri azad etməyə çağırıb.
BMT-nin insan haqları ofisi bildirib ki, Ukraynada müharibəsindən sonra həbsdə olan jurnalistlərin sayı rekord həddə çatıb. Ən azı 30 jurnalist müxtəlif cinayət ittihamları ilə saxlanılıb.