Tasnim yazır ki, İslam İnqilabı Keşikçiləri Korpusunun aerokosmik qüvvələrinin komandanı, briqada generalı Əmir Əli Hacızadə Qum şəhərində baş müəllimlər və yüksək səviyyəli xarici rəsmilərin iclasında bildirib ki, İsrail İranın Suriya paytaxtı Dəməşqdəki səfirliyinə qarşı hücumla bağlı Tehranın reaksiyasının qarşısını almaq üçün Misirin xarici işlər naziri vasitəsilə mesaj göndərib.
General Hacızadə “Əsl vəd” əməliyyatının İsrail rejiminin cinayətkar əməllərinin nəticəsi olduğunu vurğulayıb.
“İsrailin niyyəti yüksək rütbəli İran hərbçilərini öldürmək olsaydı, bunu İranın Suriyadakı konsulluğundan kənarda edə bilərdi. “İsrailin məqsədi Oktyabrın 7-də məğlubiyyətin əvəzini çıxmaq üçün strateji qələbəyə nail olmaq idi”-deyə o qeyd edib.
İranlı generalın sözlərinə görə, strateji qələbələrin regional nəticələri var.
O bildirib ki, İsrailin İrana qarşı hərəkətləri “yanlış hesablama olub”, çünki onlar İranın cavab verməyəcəyini güman edirdilər, əksinə müqavimət qüvvələrinin hərəkətə keçəcəyini gözləyirdilər.
Hacızadə məlumat verib ki, İranın hücumlarının qarşısını almaq üçün 221 qırıcı təyyarəsi hazırlanıb.
İslam İnqilabı Keşikçiləri Korpusunun aerokosmik qüvvələrinin komandanı bu əməliyyatı “dünyanın ən böyük raket və pilotsuz uçuş aparatlarının əməliyyatı” adlandırıb.
Hacızadə bəyan edib ki, “Əsl vəd” əməliyyatı zamanı İranın hərbi potensialının 20%-i işə salınıb.
“İsrailin raket əleyhinə müdafiə sistemləri böyük şəhərlərə yaxın olduğu üçün onlara hücum olmayıb və sionist rejimlə müharibə davam etsəydi, İsraili məhv etmək çox vaxt çəkməzdi”- deyə İranlı general əlavə edib.
