Rusiyanın Ermənistandakı səfiri Sergey Kopirkin artıq Yerevana qayıdıb. “RİA Novosti” xəbər verir ki, bu barədə Rusiya Xarici işlər nazirinin müavini Mixail Qaluzin bildirib.
Əvvəllər o, məsləhətləşmələr üçün Moskvaya dəvət olunub. Mayın sonunda Rusiya Xarici işlər nazirliyi Rusiyanın Yerevandakı səfirinin məsləhətləşmələr üçün Moskvaya çağırıldığını elan edib.
“Sergey Pavloviç məsləhətləşmələrdə iştirak edib və bildiyimə görə, o, artıq Yerevandadır” – deyə Mixail Qaluzin bildirib.
Həmsöhbət vurğuladı ki, “səfirin məsləhətləşmələrə çağırılması olduqca tez-tez istifadə olunan tamamilə standart prosedurdur”.
