Təhlükəsizlik və hərbi əməkdaşlıq sahəsində Rusiya ilə münasibətlərdə gələcək vəziyyət Moskvanın mövqeyindən asılıdır.
Bu barədə Ermənistan Təhlükəsizlik Şurasının katibi Armen Qriqoryan jurnalistlərə bildirib.
O, Ermənistana silah və hərbi texnikanın tədarük strukturunda Rusiyanın payının 96%-dən 10% azaldığını bildirib.
Ermənistan Təhlükəsizlik Şurasının katibinin sözlərinə görə, bu, Rusiyanın qərarı ilə baş verib: “Məhz Rusiya silah və sursat tədarük etməmək qərarına gəlib, onlar hələ də müqavilələr üzrə nəzərdə tutulanları tam çatdırmayıblar. Onlar Ermənistanın başqa ölkələrdən silah almasından şikayətlənirlər, ancaq 2021-2022-ci illər üçün müqavilələr üzrə tədarükləri davam etdirmirlər”, – Qriqoryan bildirib.
Təchizatdan imtinanın nə ilə əsaslandırıldığını soruşduqda, Qriqoryan Ermənistanda əsas səbəbin Ukrayna ilə müharibə olması ilə bağlı izahat eşitdiklərini söyləyib.
“Ancaq 2021-ci ildə imzalanmış müqavilələr də var. Ad çəkmək istəmirəm, bir dəfə Ermənistandan olan yüksək rütbəli məmura demişdilər ki, əgər Rusiya bizə silah-sursat versə, mövqelərimiz daha da sərtləşəcək və bu da bir səbəbdir ki, onlar tədarükü dayandırıblar”, – deyə Təhlükəsizlik Şurasının katibi bildirib.
