ER Xİ nazirinin müavini Paruyr Hohannisyan Fransanın Avropa və Xarici işlər nazirliyinin Ermənistan-Fransa əməkdaşlığı üzrə koordinatoru Florens Provendini qəbul edib. Bu barədə ER Xarici işlər nazirliyi məlumatlandırıb.
Görüşdə tərəflər iki ölkə arasında çoxsahəli əməkdaşlıq məsələlərini müzakirə ediblər. Söhbət zamanı “2021-2026-cı illərdə Ermənistan və Fransa arasında iqtisadi əməkdaşlıq” mövzusuna toxunulub.
Yol xəritəsinin həyata keçirilməsi istiqamətində gələcək addımlar və mərkəzləşdirilməmiş əməkdaşlığın perspektivləri məsələsinə toxunulub.
Həmsöhbətlər iki ölkə arasında əməkdaşlığın daha da dərinləşdirilməsi və məqsədyönlü proqramların həyata keçirilməsi istiqamətində atılan addımları müzakirə ediblər. .
