Baş nazir Nikol Paşinyan Blenheim sarayında Avropa Siyasi Birliyinin 4-cü Sammiti çərçivəsində Niderlandların yeni seçilmiş baş naziri Hendrikus Vilhelmus Maria Sxouf ilə görüşüb.
Nikol Paşinyan bir daha cənab Sxoufu bu vəzifəyə başlaması münasibətilə təbrik edib və ikitərəfli əməkdaşlığın Ermənistan və Niderlandlar arasında çoxsahəli əlaqələrin inkişafına yeni təkan verəcəyinə ümid etdiyini bildirib.
Nikol Paşinyan vurğulayıb ki, Ermənistan və Niderlandlar münasibətləri xüsusilə son illərdə yüksək siyasi dialoq dövrünə qədəm qoyub.
Cənab Sxouf qeyd edib ki, Niderland Ermənistan arasında əməkdaşlığın dərinləşməsinə önəm verir və siyasi, iqtisadi və humanitar sahələrdə əlaqələrin dərinləşməsinə kömək etmək üçün bütün səylərini sərf etməyə hazırdır.
Həmsöhbətlər Ermənistan-Avropa İttifaqı əməkdaşlığına dair də fikir mübadiləsi aparıblar. Tərəflər uzun danışıqlardan sonra Ermənistanla viza rejiminin liberallaşdırılması ilə bağlı danışıqlara başlamaq qərarını vurğulayıblar.
Həmçinin Ermənistan-Azərbaycan sülh prosesinə, Dağlıq Qarabağdan məcburi köçkün düşmüş insanların humanitar problemlərinə də toxunulub. Baş nazir onların həlli istiqamətində beynəlxalq ictimaiyyətin ardıcıl dəstəyinin vacibliyini vurğulayıb.
