Avropa Birliyi Şurasının Ermənistanla viza rejiminin liberallaşdırılması üzrə dialoqun açılması və Ermənistanın Avropa Birliyinə yaxınlaşması və əksinə, Avropa Sülh Fondundan Ermənistana yardımın göstərilməsi ilə bağlı qərarları Ermənistanı AB-nə daha da yaxınlaşdıracaq.
Bu barədə Ermənistanın Xarici işlər naziri Ararat Mirzoyan Konstantinos Kombo ilə birgə mətbuat konfransında bildirib. “Əslində, bu, Avropa Birliyi Şurasının qəbul etdiyi tarixi qərarlardan sonra, xüsusən də Ermənistanla viza rejiminin liberallaşdırılması üzrə dialoqa başlamaq və Ermənistana yardım göstərmək qərarlarından sonra ilk səfərimdir.
Düşünürəm ki, bu, həm də simvolikdir, çünki biz bu tarixi mərhələlərə gedən yolda Kiprin dəstəyi haqqında bilirik. Ona görə də mən fürsətdən istifadə edərək, hörmətli nazirə, eləcə də üzv dövlətlərdən olan digər həmkarlarıma ölkəmizə göstərdiyiniz müstəsna dəstəyə, o cümlədən demokratik islahatlara verdiyi dəstəyə görə təşəkkürümü bildirmək istəyirəm və deməliyəm ki, biz əlbəttə ki, bu islahatları davam etdirməyə hazırıq”- deyə ER Xİ naziri qeyd edib.
.
O, əlavə edib ki, Avropa Birliyi Şurasının qəbul etdiyi hər iki qərar Ermənistanı və Ermənistan vətəndaşlarını Avropa Birliyinə yaxınlaşdıracaq və əksinə, Ermənistanın sabitliyinə və bununla da regional sabitliyin möhkəmlənməsinə töhfə verəcək.
“Eyni zamanda, biz Ermənistan-AB tərəfdaşlığının yeni genişləndirilmiş gündəliyinin perspektivləri üzərində işləyərkən, gündəliyin digər yeni məsələlərini də müzakirə edəcəyik” – deyə Ararat Mirzoyan qeyd edib.
