Nyu-Yorkun federal prokurorları Nyu-York meri Erik Adamsa təxminən bir il davam edən korrupsiya araşdırması ilə bağlı andlılar məhkəməsinə gəlmək üçün növbəti bildirişlər göndərib, ABC News istintaqla tanış olan mənbələrə istinadən xəbər verir.
Adams WABC-in aparaıcısı Bill Ritterlə müsahibə zamanı bildirişlərin alındığını təsdiqləyib.
ABC News-un daha əvvəl xəbər verdiyi kimi, istintaq ən azı Adamsın və onun kampaniyasının Türkiyədən qeyri-qanuni ianə tələb edib-etməməsi ilə bağlıdır. Müstəntiqlər Adamsın Turkish Airlines-in uçuşları zamanı xidmətdə üstünlüklərin alıb-almadığını da araşdırıb.
Adamsın vəkilləri Brendan Makguayr və Boyd Conson, federal prokurorların araşdırdıqları ərazilərdə öz araşdırmalarını apardıqlarını və bələdiyyə sədrinin səhv bir şey etmədiyi qənaətinə gəldiklərini söyləyib.
Xatırladaq ki, “Politico” daha əvvəl yazmışdı ki, axtarışa cəmi bir neçə ay qalmış Azərbaycan hökuməti bələdiyyə sədrinin iki köməkçisinin iqtisadi inkişaf səfəri kimi elan edilən səfərlərinin xərclərini ödəyib.
