“Rostex”in rəhbəri etiraf edib ki, Rusiya xarici müştərilərlə silah tədarükü müqavilələrinə xitam verir

Rusiya hərbi sənayesinin zavodları xarici müştərilərlə silah tədarükü müqavilələrinə xitam verir. The Moscow Times yazır ki, bu barədə “Rostech”in rəhbəri Sergey Çemezov etiraf edib.

“İndi ixrac tədarükü məlum səbəblərdən azalıb. Hər şey cəbhəyə, hər şey qələbə naminə göndərilir”, – Çemezov “Reuters”ə müsahibəsində deyib.

Factor.ambildirib ki, onun sözlərinə görə, dövlət müdafiə sifarişlərini yerinə yetirmək zərurəti ilə əlaqədar Rusiya silahları üçün “gözləmə siyahısı” və “əhəmiyyətli növbə” yaranıb. Çemezovun sözlərinə görə, son bir ildə pozulmuş müqavilələrin həcmi 5-10 milyard dollara çata bilər. Ötən ilin mayında Ermənistan hakimiyyəti Rusiya silah tədarükü müqavilələrinə xitam verdiyini açıqlamışdı.

2023-cü ilin martında məlum oldu ki, Rusiya Hindistanla C-400 “Triumf” zenit-raket komplekslərinin tədarükü ilə bağlı müqavilələri pozur. Rosoboroneksport 2018-ci ildə 5,4 milyard dollar dəyərində müqavilə imzalayıb və 2024-cü ilin sonuna qədər onu müştəriyə təhvil verməyi öhdəsinə götürüb. Lakin müharibə və sanksiyalar bu planları pozdu.

“Economic Times” Hindistan Hərbi Hava Qüvvələrinin yüksək rütbəli rəsmisinə istinadən yazır ki, Rusiya tərəfi “gecikmə barədə Nyu Dehlini yazılı şəkildə xəbərdar edib”. Stokholm Beynəlxalq Sülh Araşdırmaları İnstitutunun (SPIRI) məlumatına görə, 2019-2023-cü illərdə Rusiyanın silah ixracı əvvəlki beş illə müqayisədə 53% azalıb.