Baş nazir Nikol Paşinyan Birləşmiş Millətlər Təşkilatının Ərzaq və Kənd Təsərrüfatı Təşkilatının baş direktoru Çu Donqyunu qəbul edib.
Baş nazir ER hökuməti ilə Ərzaq və Kənd Təsərrüfatı Təşkilatı arasında, xüsusilə ərzaq təhlükəsizliyinin təmin edilməsi sahəsində yaradılmış səmərəli əməkdaşlığı yüksək qiymətləndirib. Nikol Paşinyan kənd təsərrüfatı və ətraf mühit sahələrində birgə layihələrin davamlı şəkildə həyata keçirildiyini vurğulayıb və BMT-nin Ərzaq və Kənd Təsərrüfatı Təşkilatının baş direktorunun səfərinin əməkdaşlığın inkişafına yeni təkan verəcəyinə inandığını bildirib.
Çu Donqyu qeyd edib ki, onlar ER hökumətinin tərəfdaşları ilə səmərəli müzakirələr aparıb, proqramların gedişatı və yeni təşəbbüslərin həyata keçirilməsi imkanlarını müzakirə ediblər. Ərzaq və Kənd Təsərrüfatı Təşkilatının baş direktoru vurğulayıb ki, yeni proqramların həyata keçirilməsində məqsəd dövlətlərin ərzaq təhlükəsizliyinin təmin edilməsinə, sahədəki problemlərin həllinə töhfə verməkdir”.
