“Sentyabrın 1-də Azərbaycan Respublikasında növbədənkənar parlament seçkiləri keçirilib. ATƏT/DTİHB-nin seçki müşahidə missiyasının fikrincə, Azərbaycanda seçkilər ciddi siyasi-hüquqi şəraitdə keçirilib və bu, real plüralizmə imkan verməyib və rəqabətin olmamasına gətirib çıxarıb.
Qeyd olunur ki, səsvermə prosesi mütəşəkkil və ümumən səmərəli keçsə də, xüsusilə səslərin hesablanması zamanı ciddi qanun pozuntularına və nöqsanlara yol verilib ki, bu da prosesin bütövlüyü ilə bağlı suallar doğurub.
Bununla belə, ATƏT/DTİHB missiyası seçkilərin müxaliflərin təzyiqi altında keçirildiyini qeyd edib.
AB Azərbaycan hakimiyyətini ATƏT/DTİHB-nin bu və əvvəlki seçkilərlə bağlı tövsiyələrini nəzərə almağa və həyata keçirməyə çağırır. Avropa Birliyi bu prosesi dəstəkləməyə hazırdır” – deyə AB Xarici Siyasət xidmətinin bəyanatında deyilir.
Bundan əvvəl Azərbaycanın müxalif “Demokratik Qüvvələrin Milli Şurası” və “Müsavat” bu prosesin konstitusiyaya zidd olduğunu vurğulayaraq, Azərbaycanda keçirilən parlament seçkilərinin ləğvi ilə bağlı çağırış etmişdilər.
