Sentyabrın 9-da ER baş nazirinin müavini Mher Qriqoryan Avropa İttifaqı ilə viza rejiminin liberallaşdırılması prosesi ilə bağlı danışıqlara rəsmi başlandığını elan edib.
Bu barədə baş nazirin müavini Mher Qriqoryan bildirib.
“Ermənistan giriş icazələrinin və vizaların liberallaşdırılması üzrə dialoqun başlanmasına böyük əhəmiyyət verir, eyni zamanda yekun məqsədə nail olmaq üçün ardıcıl və məqsədyönlü işin zəruri olduğunu dərk edir. Biz həqiqətən də bu prosesə miqrasiya, insanların hərəkəti və sərhədlərin idarə edilməsi sahələrində strateji gündəm kimi yanaşırıq”, – Qriqoryan vurğulayıb.
O deyib ki, prosesin başlanması rəsmən elan olunub və bunun nəticəsində Aİ tərəfindən giriş icazələri və viza rejiminin liberallaşmasına nail olmaq mümkün olacaq.
“Mən Ermənistan Respublikası Hökumətinin Avropa Komissiyası ilə Ermənistan-Aİ əlaqələrinin daha da inkişafı və dərinləşməsinə yönəlmiş ikitərəfli gündəmdə qeyd olunan zəruri islahatların həyata keçirilməsi yolunda irəliləmək öhdəliyini bir daha təsdiqləmək istərdim”, – ER baş nazirinin müavini vurğulayıb.
