Ermənistanda müasir nüvə enerjisi istehsalı mənbəyinin tikintisinə yönəlmiş tədqiqatlara artıq başlanılıb. Nəticələrin yekunlaşdırılması üçün maksimum son müddət 2025-ci ilin yazında olan işlər nüfuzlu Amerika şirkətlərindən birinin mütəxəssisləri tərəfindən erməni tərəfdaşlarla birgə aparılır.
ER ərazi idarəetmə və infrastruktur nazirinin müavini Hakop Vardanyan bildirib ki, Ermənistanda yeni atom enerji bloklarının tikintisi çərçivəsində hazırkı mərhələdə texniki-iqtisadi tədqiqatlar aparılır.
“Bu işi Amerikanın nüfuzlu şirkətlərindən biri ABŞ hökumətinin sifarişi ilə və erməni tərəfi ilə əməkdaşlıq çərçivəsində həyata keçirir. Məqsəd amerikalı istehsalçıların təklif etdiyi kiçik modul zavodlardan hansının texnoloji cəhətdən Ermənistanın ehtiyaclarını ödəmək üçün daha uyğun olduğunu öyrənməkdir. Tədqiqatların ən geci 2025-ci ilin yazında başa çatdırılması planlaşdırılır”, – o qeyd edib.
Nazir müavini Ermənistanın “123 müqaviləsi”nə qoşulmaq və Amerikanın mülki nüvə texnologiyalarına çıxış əldə etmək üçün ABŞ-a müraciət etməsi barədə məlumatı təsdiqləyib.
“Ermənistan tərəfinin müraciəti ABŞ-ın daxili prosedurlarına uyğun olaraq öyrənilir. ABŞ-ın müxtəlif rəsmiləri bu barədə dəfələrlə məlumat verib və bunun kifayət qədər vaxt aparan proses olduğunu qeyd ediblər”, – Vardanyan yekunlaşdırıb.
