İranın Mehr agentliyi yazır ki, Ermənistanın paytaxtı Yerevanda Avrasiya İqtisadi İttifaqına (Aİİ) giriş qapısına çevriləcək İran ticarət mərkəzi açılacaq.
İranın xaricdəki ilk və ən böyük daimi ticarət mərkəzi olaraq Ermənistandakı İran Ticarət Mərkəzi oktyabrın 1-də İranın Ticarətin Təşviqi Təşkilatı (TPOI) ilə əməkdaşlıq çərçivəsində açılacaq.
İran ticarət mərkəzi Yerevanda layihələndirilib və inkişaf etdirilib. Mərkəzin 10 000 kvadratmetrlik sərgi sahəsinə müxtəlif sənaye sahələri üçün istifadə oluna bilən, işgüzar görüşlər (B2B) üçün iclas otaqları, tədbirlər, konfranslar və festivallar üçün açıq yerlə təchiz olunmuş müxtəlif ölçülü 107 sərgi lövhəsi daxildir.
Bu mərkəz maliyyə köçürmələri, logistika və nəqliyyat xidmətlərinin göstərilməsi, hüquqi məsləhət, vergi və gömrük xidmətləri üçün zəmin hazırlayacaq.
