Hazırda Ermənistan ərazisindən dəhliz açmaq üçün hərbi əməliyyatların mümkünlüyünü görmürəm. Bunu türkoloq Ruben Safrastyan NEWS.am-ın müxbiri ilə söhbətində deyib.
“Belə bir addım atmaq istəyən yalnız Azərbaycandır. Bununla belə, Bakının belə bir addım atacağını düşünmürəm, o cümlədən Cop29-dan sonra. Azərbaycan əlavə güzəştlər əldə etmək üçün Ermənistana təzyiq etmək yolu ilə gedəcək. Amma bu, sadəcə proqnozdur, Əliyev gözlənilməzdir”, – deyə o bildirib.
Onun fikrincə, Ermənistan ərazisindən keçən dəhliz məsələsi İran-Rusiya münasibətlərinin inkişafı üçün ciddi maneəyə çevrilməyəcək.
Safrastyan izah edib ki, Rusiya və İran çətin proses olsa da, strateji müttəfiqlik səviyyəsinə çata bilər, çünki onların imperiya dövründən, o cümlədən Cənubi Qafqazda problemləri var.
Ermənistandan keçən dəhlizlə bağlı Rusiya və İranın yanaşmalarında fikir ayrılıqları var, lakin onun fikrincə, bu, müttəfiqlik münasibətlərinin qurulmasına mane olacaq şəkildə deyil.
Safrastyan xatırladıb ki, bu ölkələr Azərbaycan ərazisindən keçən Şimal-Cənub dəhlizi layihəsi ilə birləşir və bu, Rusiyaya Hindistan və Çinlə həyati əhəmiyyət kəsb edən kommunikasiyalar qurmağa imkan verir.
“Bunun fonunda Türkiyə İran-Rusiya münasibətlərinin daha da pisləşəcəyinə ümid edərək gözləmə mövqeyi tutub”, – ekspert yekunlaşdırıb.
