RF Baş naziri Mixail Mişustin işgüzar səfərlə Yerevana gəlib, burada, РИА Новости-yə görə, çərşənbə axşamı Avrasiya Hökumətlərarası Şurasının iclasında və Avrasiya İqtisadi Forumunun plenar iclasında iştirak edəcək.
Hökumətlərarası Şuranın iclasında çərşənbə axşamı Rusiya, Ermənistan, Belarus, Qazaxıstan və Qırğızıstan hökumət rəhbərləri Avrasiya İqtisadi İttifaqı çərçivəsində inteqrasiyanın dərinləşdirilməsi ilə bağlı cari məsələləri müzakirə edəcəklər.
Xüsusi diqqət daxili bazarın fəaliyyətinə, sənaye, nəqliyyat, gömrük və tariflər, kənd təsərrüfatı və enerji sahələrində əməkdaşlığın inkişafı məsələlərinə yönəldiləcək.
Bundan əlavə, hökumət başçıları Avrasiya İqtisadi İttifaqı çərçivəsində 2030-cu ilə qədər sənaye əməkdaşlığının əsas istiqamətlərini nəzərdən keçirəcəklər.
Gözlənilir ki, iclasa İttifaqın müşahidəçi dövlətləri və dəvət olunmuş qonaqlar da qatılacaqlar. Daha öncə , bazar ertəsi günü RF hökumətinin rəhbəri rəsmi səfərlə İran İslam Respublikasına getmişdi.
