Türkiyədə belə bir yanlış təsəvvür var ki,Spyurkun (erməni diasporasının) mövqeyi Ermənistan-Türkiyə münasibətlərinin normallaşması yolunda maneə olub və olaraq qalır.
Alınan məlumata görə, bu barədə Ermənistan parlamentinin sədr müavini, Ermənistan-Türkiyə münasibətlərinin tənzimlənməsi üzrə Ermənistanın xüsusi nümayəndəsi Ruben Rubinyan “Sülh kəsişməsi Təhlükəsizlik və demokratiyanı birləşdirmək rəmziylə mövzuda keçirilən konfransda panel müzakirəsi zamanı bildirib.
“Türkiyədə belə bir yanlış təsəvvür var ki, erməni Spyurk Ermənistan-Türkiyə münasibətlərinin normallaşması yolunda maneə olub və ya qalır. Dəfələrlə sübut olunub ki, bu, belə deyil.
Bu, futbol diplomatiyasının ən intensiv dövrü olan 2010-cu illərin əvvəllərində də belə olmayıb, protokollar imzalananda belə olmamışdı.
Həmin vaxt Ermənistan hökuməti heç bir ilkin şərt qoymadan Türkiyə ilə münasibətləri dərhal normallaşdırmağa hazır olub”- deyə Rubinyan bildirib.
Onun sözlərinə görə, Ermənistan və Türkiyə münasibətlərinin tənzimlənməsi məsələsində bir maneə var ki, o da Türkiyədə siyasi qərarın olmamasıdır.
O, vurğulayıb ki, Ermənistan-Türkiyə münasibətlərinin normallaşması prosesi iki dövlət arasında proses olaraq qalmalıdır. Rubinyan bir daha təsdiqləyib ki, hətta sabah belə Ermənistan sərhədləri açmağa hazırdır.
