İtaliya Respublikasının Milan şəhərində 14-18 oktyabr tarixlərində “75-ci Beynəlxalq Kosmonavtika Konqresi” keçirilir.
Bu tədbir “Beynəlxalq Kosmonavtika Federasiyası” tərəfindən təşkil olunub.
70 ildən çox tarixə malik bu təşkilat müxtəlif ölkələrin milli kosmik agentliklərini, sahə şirkətlərini, eləcə də təcrübəli və gənc mütəxəssisləri bir araya gətirir.
Ermənistan Yüksək Texnologiyalar Sənayesi Nazirliyindən bildiriblər ki, konqres çərçivəsində keçirilən və “Dayanıqlı İnkişaf naminə məsuliyyətli kosmik fəaliyyət” mövzusuna həsr olunmuş sərgidə Ermənistan vahid pavilyonla iştirak edir və 4 şirkət təmsil olunur.
Konqresin proqramına tematik müzakirələr, seminarlar və sessiyalar daxildir. Burada aparıcı təşkilatların nümayəndələri, müxtəlif ölkələrin texnologiya sektoruna rəhbərlik edən dövlət rəsmiləri iştirak edir.
Tədbir, kosmonavtika və əlaqəli texnologiya sahələri üçün ən yaxşı həlləri təqdim etmək, yeni əməkdaşlıq imkanları yaratmaq və tanınmış şəxslər və qərar qəbul edənlərlə əlaqələr qurmaq üçün nadir bir platformadır.
