Ermənistan Bakıdan COP29 konfransında iştirak etmək üçün dəvət alıb, o, Ermənistanın Xarici işlər naziri adından alınıb. Alınan məlumata görə, bu barədə ER Xarici işlər nazirinin müavini Paruyr Hohanisyan Factor.am-a müsahibəsində bildirib.
Onun sözlərinə görə, hazırda hökumət Ermənistanın COP29 konfransında iştirakı məsələsinə baxır.
“Bu məsələ həm tədbirin gündəliyindən, həm də humanitar məsələlərin həllindən asılı olaraq bir neçə aspektdə müzakirə olunacaq.
Bilirsiniz ki, bu, iqlim dəyişikliyini hədəfləyən ən nüfuzlu beynəlxalq tədbirdir. Sadaladığım bütün halları nəzərə alaraq, yaxın gələcəkdə Ermənistanın hansı səviyyədə təmsil olunacağı ilə bağlı qərar verəcəyik” – deyə Hohannisyan bildirib.
Ararat Mirzoyanın COP29-da iştirakının mümkün olub-olmaması ilə bağlı suala Paruyr Xohannisyan bildirib ki, onlar heç bir variantı istisna etmirlər. Onun sözlərinə görə, hər şey yaxın həftələrdə baş verəcək hadisələrdən asılıdır.
