Bu gün, oktyabrın 31-də Parlamentdə 2025-ci il büdcə layihəsinin müzakirəsi zamanı xarici işlər naziri Ararat Mirzoyan Ermənistanın Aİ ilə münasibətlərinə və bu kontekstdə qonşu dövlətlərin, xüsusilə də İranın yanaşmalarına toxunub.
Mirzoyan qeyd edib ki, qonşularla münasibətlərin tənzimlənməsi və inkişafı Ermənistan üçün prioritet məsələdir.
“İranla necə münasibətlərimiz olduğu heç kimə sirr deyil. Təbii ki, bizim Aİ ilə bağlı siyasətimiz İran üçün sirr deyil və biz müntəzəm təmaslarımızda bu məsələyə də toxunuruq”, – deyə o bildirib.
Mirzoyanın fikrincə, Ermənistanın edəcəyi heç bir şey yoxdur ki, “İranın ideyaları ilə ziddiyyət təşkil etsin”.
