Ermənistan xarici işlər nazirinin müavini Paruyr Hovhannisyan “Politico”nun Türkiyənin Brüsseldəki səfirliyi tərəfindən təşkil olunan qəbul zamanı Ermənistanın Belçikadakı səfiri Tiqran Balayanın Azərbaycanın Belçikadakı səfiri Vaqif Sadıqov tərəfindən təhdidlər alması ilə bağlı yaydığı məlumatı təsdiqləyib.
“Armenpress”in məlumatına görə, bu barədə Paruyr Hovhannisyan Parlamentdə jurnalistlərlə keçirdiyi brifinqdə danışıb.
“Aldığımız məlumata görə, qəbul zamanı təhqir və təhdidlər edilib, bu barədə Belçika tərəfini, eləcə də Avropa İttifaqını məlumatlandırmışıq. Düşünürəm ki, bu məsələ ilə bağlı araşdırma aparılır. Hələlik cavab yoxdur”, – Hovhannisyan bildirib.
