Diasporada fəaliyyət göstərən “Azərbaycan evləri”nin anti-erməni fəaliyyəti
Dünyanın müxtəlif ölkələrində Azərbaycan hakimiyyətinin təşəbbüsü ilə bir çox təşkilatlar yaradılır ki, bunlar tarixi hadisələri təhrif etməklə beynəlxalq ictimaiyyətə erməniləri mənfi bir işıqda göstərməyə çalışır.
Bu barədə “Geğard” Analitik Araşdırmalar Fondunun məqaləsində bildirilir.
Məqalədə qeyd olunur:
“Diasporla İş üzrə Dövlət Komitəsi”nin təşəbbüsü ilə dünyanın müxtəlif ölkələrində “Azərbaycan evləri” adlı təşkilatlar yaradılır ki, bunlar guya xaricdə yaşayan azərbaycanlıları birləşdirməyə yönəlib.”
Xaricdə fəaliyyət göstərən “Azərbaycan Evləri”nin coğrafiyası
Məqalədə vurğulanır ki, “xaricdə yaşayan azərbaycanlıları birləşdirmək” iddiası altında bu təşkilatlar əslində başqa bir məqsəd güdür – anti-erməni təbliğat aparmaq, ermənilərə qarşı sərgilər və tədbirlər təşkil etmək.
Məsələn, “Azərbaycan evləri”nin təşəbbüsü ilə 2024-cü ilin aprelində Finlandiyanın paytaxtı Helsinkidə “Qərbi azərbaycanlılara qarşı soyqırım və deportasiya cinayətləri” adlı tədbir keçirilib.
Tədbirdə “İZ” adlı “sənədli” film nümayiş etdirilib və erməniləri xəyali “Qərbi Azərbaycan” adlanan ərazidəki tarixi abidələri – qalalar, saraylar, türbələr, məscidlər, körpülər və s. məhv etməkdə ittiham ediblər.
Azərbaycan diasporu tərəfindən keçirilən bu cür anti-erməni tədbirlərin mövzusu müxtəlifdir. Məsələn, fevral ayında Polşanın Krakov şəhərində yeni açılmış “Azərbaycan evi” təşkilatı, guya ermənilərin törətdiyi “etnik təmizləmə” və “qətliamlar” haqqında polyaklara ətraflı məlumat vermək məqsədilə, Xocalı “soyqırımı”nın 32-ci ildönümünə həsr olunmuş sərgi təşkil etmişdi.
Jurnalistlərə müsahibəsində diasporla İş üzrə Dövlət komitəsinin sədri Fuad Muradov qeyd edib ki, Çexiya və İraqda da daxil olmaqla, daha çox “Azərbaycan evləri”nin və onların filiallarının açılması planlaşdırılır.
O, həmçinin, müxtəlif dillərdə “azad edilmiş” ərazilərə aid kitabların nəşrini dəstəklədiklərini vurğulayıb. Misal olaraq “Şuşanın tarixi” kitabının alman dilində nəşrini təqdim edib.
Məqalədə Azərbaycan diasporunun fəaliyyətini tədqiq edərək nəticəyə gəlinir ki, bu fəaliyyət əsasən anti-erməni məzmun üzərində qurulub.
Bakı hakimiyyəti hətta diaspor vasitəsilə də anti-erməni təbliğatına yönəlmiş təhrif edilmiş məlumatları beynəlxalq ictimaiyyətə təqdim etmək səylərindən vaz keçmir.
