Monument Watch: “Stepanakert xatirə kompleksi təhlükə altındadır”
Artsaxın mədəniyyət irsinin monitorinqini həyata keçirən monumentwatch.org saytı yazır:
“2024-cü ilin noyabr ayında Azərbaycan sosial şəbəkələrində Stepanakert xatirə kompleksinin ərazisində müxtəlif istifadəçilər tərəfindən çəkilmiş videolar yayımlanıb.
Bu videolara əsaslanaraq deyə bilərik ki, xatirə kompleksi hələ də mövcuddur. Lakin Qarabağ müharibəsi iştirakçılarının, qəhrəmanlarının və görkəmli şəxsiyyətlərin məzar daşları zədələnmiş vəziyyətdədir.
Eyni zamanda, bu kompleksi məhv etmək çağırışları edilir. Qeyd edək ki, videoların müəllifləri əsasən adi Azərbaycan vətəndaşlarıdır.
Bununla belə, daha təhlükəli olan Azərbaycan hakimiyyətinə yaxın mediada yayımlanan qısa videolar və həmin videolara əlavə olunan yazılardır ki, burada bu məhv etmə çağırışları səsləndirilir.
2024-cü il noyabrın 17-də dözümsüz, aqressiv yazıları ilə seçilən Azərbaycan Telegram kanallarından birində “ermənilərin qanunsuz tikililərinin məhv edilməsi məsələsi açıq şəkildə müzakirə olunub.
Videoda görünür ki, Azərbaycan tərəfi xatirə abidəsinin erməni yazılarını silib. 1915-ci il Erməni Soyqırımı qurbanlarının xatirəsinə həsr olunmuş və 2015-ci ildə tikilmiş zəng qülləsinə bitişik divardakı erməni yazısı pozulub.
Bu yazı Paruyr Sevakın “Sonsuz zəng qülləsi” poemasından götürülmüş sözlər idi: “Ölənlər üçün ağı deyirəm, ildırımları çalxalayıram, sağ qalanları çağırıram”.
2015-ci ildə tikilmiş bu abidənin memarı Vladimir Sarkisyan idi və o, Sevakın poemasından ilhamlanaraq abidəni zəng qülləsi kimi inşa etmişdi.
Qeyd edək ki, 2020-ci ildən başlayaraq Azərbaycan tərəfi işğal olunmuş Artsaxda ilk növbədə Erməni Soyqırımı və Qarabağ müharibələri qəhrəmanlarının xatirəsinə həsr olunmuş abidələri məhv etməkdədir”.
