14 müəllim Avropa Nüvə Tədqiqatları Mərkəzində olub

Noyabrın 10-15-də Yerevan, Şirak, Ararat və Armavir rayonlarından olan 14 fizika müəllimi Avropa Nüvə Tədqiqatları Mərkəzində (CERN) və burada yerləşən Böyük Adron Kollayderində (LHC) olublar. Müəllimlərin fizika sahəsində dünyanın ən böyük elmi mərkəzinə ilk səfəri ER Təhsil, Elm, Mədəniyyət və İdman Nazirliyi, Avropa Nüvə Tədqiqatları Mərkəzi və Nəzəri Tədqiqatlar İnstitutunun, eləcə də Nəzəri Fizika və Modelləşdirmə İnstitutunun birgə səyləri nəticəsində təşkil olunub.

Müəllimlər aparıcı mütəxəssislərin mühazirələrini dinləmiş, CERN idarəetmə mərkəzinə, Neytrino-Platformasına, məlumat mərkəzinə, antimaddə emalatxanasına, Böyük Adron Kollayderi ATLAS-a, ALICE və CMS detektorlarına baş çəkmiş, həmçinin elementar hissəciklərin qeydiyyatının tarixini öyrənmişlər.

İsveçrə ilə Fransanın sərhəddində yerləşən elmi mərkəz elementar hissəciklər fizikası sahəsində 34 ölkənin səylərini birləşdirən beynəlxalq təşkilatdır və orada dünyanın 70 ölkəsindən 16000 alim çalışır.

Bu, son 70 ildə bir sıra elementar hissəciklərin (məsələn, Hiqqs bozonu) kəşf edildiyi və Hissəciklər Fizikasının Standart Modelinin qurulduğu yerdir.