Dadivank və “faktların” uydurulması
Təbliğat sahəsində Azərbaycanın erməni mədəni və dini irsini mənimsəməsi bir neçə saxta tezisdən ibarət “metodik vəsait” əsasında həyata keçirilir.
Əgər bir yerdə erməni və ya erməni əlifbası ilə yazılmış hər hansı yazı varsa, azərbaycanlılara görə,demək bu yazılar son dövrdə əlavə edilib.
Siyasi vəziyyətə uyğun olaraq, bu “əlavələrin” XIX əsrdə, Qarabağda isə onların dediyi kimi, “işğal illərində” edildiyi iddia olunur.
Məsələn, bu üsul Amberd kilsəsi üçün istifadə olunub. Azərbaycanlı tədqiqatçının fikrincə, Vahramaşen kilsəsinin divarlarındakı erməni yazıları XX əsrin əvvəlində əlavə olunub.
Azərbaycanın Elmlər Akademiyasının “alimləri” isə iddia edirlər ki, ermənilər “alban kilsələrinə qarşı maddi və mənəvi cinayətlərə” 1836-cı ildən başlayıb, yəni o vaxtdan ki, “Alban kilsəsi Erməni Opostol Kilsəsinə tabe olub”.
“Erməni yazılarının əlavə edilməsi” ilə bağlı bu saxta tezis davamlı olaraq 2020-ci ilin noyabrında Azərbaycanın nəzarətinə keçən Dadivang monastır kompleksinə qarşı da istifadə edilir.
Yaxın günlərdə Azərbaycan mətbuatında “Erməni saxtakarlıqlarına məruz qalmış iri Azərbaycan monastırı – Xudavəng” başlıqlı qısa məqalə dərc olunub.
Həmin məqaləyə görə, 1993-2020-ci illər arasında ermənilər guya monastırın tarixini saxtalaşdırmağa çalışıb, onu erməni kimi təqdim ediblər.
Məsələn, kompleksin simvolları dəyişdirilib, başqa Xaçlar qoyulub, divarlara qədim erməni yazıları əlavə olunub və udi-alban qəbiristanlıqları guya dağıdılıb.
Dadivəng divarlarında erməni yazıları və oyma təsvirlər
Xatırladaq ki, hələ 2021-ci ildə Azərbaycanın udi icmasının nümayəndələri Dadivəngdə ayinlər keçiriblər. Bu məqsədlə Bakı Alban-Udi dini icmasının rəhbəri Robert Mobili vasitəsilə həmin tezisləri ictimailəşdirir.
Əlavə edək ki, 2024-cü ildə Vatikanın rəsmi qəzetində dərc olunan bir məqalədə Dadivəng və Gəncəsər heç bir faktiki əsasa söykənmədən alban kilsələri kimi təqdim edilib.
Tarixin və ümumiyyətlə, məlumatların saxtalaşdırılması Azərbaycan tərəfindən müxtəlif üsullarla həyata keçirilir:
dəqiq məlumatların gizlədilməsi, məlumat və mənbələrin dəyişdirilməsi, tarixi faktların inkar edilməsi və yanlış şərhlərlə manipulyasiya edilməsi bu üsullardandır.
İnkarçılıq və mövcud olmayan faktların uydurulması Azərbaycanın ermənilərə qarşı təbliğatının əsas sütunlarından ikisidir.
Dadivang nümunəsində isə uydurulan fakt ondan ibarətdir ki, guya ermənilər monastırın erməniləşdirilməsi məqsədilə divarlara erməni yazıları əlavə ediblər.
