Ermənistanın baş naziri Nikol Paşinyan şəxsən Avrasiya İqtisadi Şurasının sessiyasının Ermənistanda keçirilməsini yersiz hesab edib.
“Armenpress”in məlumatına görə, bunu Paşinyan Parlamentdə hökumətlə sual-cavab zamanı “Hayastan” fraksiyasının üzvü Anna Qriqoryanın sualına münasibət bildirərkən deyib: “Birbaşa demək istəyirəm ki, mən şəxsən tədbirin Ermənistan Respublikasında keçirilməsini yersiz hesab etdim, çünki təəssüf ki, sizə məlum olan şəraitə görə Avrasiya İqtisadi Ali Şurasının bəzi üzvləri Ermənistan Respublikası üçün arzuolunan deyil”, – Paşinyan bildirib.
Deputatın Roma Statutunun ratifikasiyası ilə Rusiya Federasiyasının prezidenti Vladimir Putinin mümkün həbsi arasında əlaqə ilə bağlı sualına toxunan baş nazir deyib:
“Biz Roma Statutunu ratifikasiya edəndə Rusiyadakı tərəfdaşlarımızla ünsiyyətdə idik. Və biz ABŞ-la öz nümunəmizi onlara gətirdik. Bizim ABŞ-la ikitərəfli müqaviləmiz var və orada onlarla münasibətlərimizdə Roma Statutunun bəzi xüsusiyyətləri vurğulanır. Eyni mexanizmi Rusiyaya da təklif etdik, amma Rusiya nədənsə buna razı olmadı”.
