Avropa Şurasının Nazirlər Komitəsi məhkəmə qərarlarının icrasına nəzarət çərçivəsində Azərbaycana qarşı Makuçyan və Minasyan işi üzrə 2004-cü ildə Budapeştdə erməni zabit Qurgen Marqaryanın Azərbaycan əsgəri tərəfindən qətlə yetirilməsi ilə bağlı növbəti qərarını dərc edib. Bu barədə Avropa Şurası Nazirlər Komitəsinin xəbər xidməti məlumat yayıb.
2004-cü ildə Budapeştdə NATO-nun təlimləri zamanı azərbaycanlı zabit Ramil Səfərov erməni zabiti Qurgen Marqaryanı vəhşicəsinə qətlə yetirib və digər erməni zabiti Hayk Makuçyanı öldürməyə cəhd edib. Səfərov Macarıstan məhkəməsi tərəfindən ömürlük həbs cəzasına məhkum edilib, lakin 2012-ci ildə Azərbaycana ekstradisiya edildikdən sonra ona əfv edilib, mükafatlandırılıb, maddi və rəsmi imtiyazlar verilib.
Avropa İnsan Hüquqları Məhkəməsinin qərarının vacibliyini vurğulayaraq Avropa Şurasının Nazirlər Komitəsi aşağıdakı tələbləri irəli sürüb:
AİHM-in qərarından 4 il sonra belə, Azərbaycan hakimiyyəti qərarın fərdi tədbirlərini həyata keçirməyib. Komitə yenidən iddiaçıların nümayəndələrinin xərclərinin dərhal ödəməyə çağırır. Azərbaycan prezidentinin saytında yerləşdirilmiş əfv məktublarının sildiyini sübut etmək tələb olunub.
Komitə xatırladıb ki, bu kimi ağır cinayətlərdə təqsirli olan şəxslər dövlət vəzifəsi tutmaq hüququndan məhrum edilməlidir. Komitə vurğulayıb ki, gələcəkdə belə hərəkətlərə yol verilməməlidir, bu kimi cinayətlərə görə amnistiya və imtiyazlar veriləndə Avropa İnsan Hüquqları Konvensiyasının tələblərinə əməl edilməlidir.
Komitə həmçinin Azərbaycan hakimiyyətindən 2025-ci ilin iyununda keçiriləcək sessiyaya qədər işdə əldə edilən irəliləyişlə bağlı ətraflı hesabat təqdim etməyi tələb edib.
Fərdi tədbirlərin yerinə yetirilməməsi halında, AŞ-nın Azərbaycana daha sərt nəzarətin qurulması üçün müvəqqəti qətnamə qəbul edəcəyi gözlənilir.
