Dekabrın 7-də ER xarici işlər nazirinin müavini Vahan Kostanyan Bəhreyndə keçirilən “Manama dialoqu” beynəlxalq forumu çərçivəsində panel müzakirəsində iştirak edib.
Vahan Kostanyan Cənubi Qafqazla bağlı suala cavab olaraq bildirib: “Bölgəmizlə bağlı son, lakin ən vacib məsələyə gəlincə, mən İran, Rusiya və ya Türkiyənin siyasətini təqdim edə bilmərəm. Burada siyasətimizi təqdim edəcəyəm və çox aydındır, onun iki əsas istiqaməti aşağıdakılardır: birinci istiqamət qonşularımızla münasibətlərimizdir. Bizim dörd qonşumuz var: Gürcüstan, İran, Azərbaycan və Türkiyə.
Və biz inanırıq ki, bizim dörd qonşumuzla heç olmasa qonşuluq münasibətləri olmalıdır. Xarici siyasətimizin ikinci qatı isə, xarici siyasətimizin diversifikasiyasıdır. Gördüyümüz kimi, ənənəvi tərəfdaşlarımızla qarşılıqlı əlaqə həmişə faydalı olmayıb.
Hazırda xarici siyasətimizin məqsədi bir az fərqlidir, qısaca desək, məqsədi suverenliyimizi, ərazi bütövlüyümüzü, sərhədlərimizin toxunulmazlığını, həmçinin demokratiyanı qorumaqdan ibarət olacaq.
İndi də bu anlayışı nəzərə alaraq tərəfdaşlarımızla əlaqələri inkişaf etdirməyə çalışırıq.
