Bakıda “Azərbaycan və Ermənistan arasında sülh sazişinin imzalanmasına əsas maneələr” mövzusunda konfrans təşkil olunub, konfransda ölkənin xarici işlər nazirinin müavini Elnur Məmmədov Azərbaycanın təbliğat tezislərini təqdim edib, factor.am yazır.
O bəyan edib ki, Ermənistan və Azərbaycan arasında sabit sülhə nail olmaq üçün iki əsas maneə var ki, onlardan biri də Ermənistan Konstitusiyasıdır.
“Biz ətraflı müzakirələr aparmışıq. Bu müzakirələr ABŞ, Rusiya və Qazaxıstanda aparılıb. Həmin müzakirələrdə sülh razılaşmasını tərtib etməyə çalışmışıq. Ermənistanla Azərbaycan arasında dayanıqlı sülhün əldə olunmasında iki əsas maneə var. Onlardan biri Ermənistan Konstitusiyasındadır. Bu maneə Ermənistanın Müstəqillik aktında da öz əksini tapıb. “Qarabağ Ermənistanın bir hissəsidir” müddəası orada əsas kimi qəbul olunur. İkinci maneə Ermənistan nümayəndə heyətinin üzvlərinin danışıqlar masası arxasında müxtəlif mövqelərdən çıxış etməsidir. Maneələrdən biri də Ermənistanın Roma Statutuna qoşulmasıdır”.
