Parlamentdə Konqresin nümayəndə heyəti ilə görüşdə ABŞ-ın ER-də demokratik islahatlara dəstəyinin əhəmiyyəti vurğulanıb
ER Parlamentinin “Mülki müqavilə” fraksiyasının deputatları Arusyak Julhakyan, Arsen Torosyan, Meri Qalstyan və Mariya Karapetyan dekabrın 9-da Ermənistana üç günlük səfərə gələn ABŞ Konqresinin Nümayəndələr Palatasının Demokratik Tərəfdaşlıq Komitəsinin sədri Deyvid Praysın başçılıq etdiyi konqres nümayəndə heyəti ilə görüşüblər.
Parlamentdə qonaqları salamlayan Arusyak Julhakyan səmərəli ER-ABŞ əməkdaşlığından danışıb, ABŞ-ın Ermənistanda demokratik islahatlar prosesinə dəstəyinin vacibliyini vurğulayıb.
İkitərəfli sıx əməkdaşlıqla bağlı məsələlər müzakirə edilib, bir sıra sahələrdə təcrübə mübadiləsinin aparılmasının zəruriliyi vurğulanıb.
Ermənistana səfər çərçivəsində qonaqlar ER Parlamentinin deputatları, komissiyaları, aparat şöbələri və QHT nümayəndələri ilə görüşəcəklər.
Səfər zamanı nümayəndə heyətinin üzvlərinin qanunvericilik və büdcə proseslərində ictimaiyyətin iştirakının artırılması məsələsində Parlamentin əməkdaşlarına texniki dəstək və məsləhətlər verməsi planlaşdırılır.
