Yunanıstanın “Ethnos” dövri nəşri Ermənistanın “Sülhün kəsişməsi” təşəbbüsü, onun regional və beynəlxalq əhəmiyyəti haqqında geniş məqalə dərc edib.
“Armenpress”in məlumatına görə, məqalədə Ermənistanın bu təşəbbüsünün Şimal-Cənub və Şərq-Qərb nəqliyyat dəhlizlərini birləşdirərək regional inteqrasiyaya və iqtisadi inkişafa töhfə vermək məqsədi daşıdığı bildirilir.
Məqalədə vurğulanır ki, Ermənistanın regional birləşdirici halqa kimi mövqeyi mühüm potensial açır.
“Sülhün kəsişməsi” vasitəsilə Ermənistan, İran, Türkiyə, Azərbaycan və Gürcüstan arasında avtomobil və dəmir yolları, boru kəmərləri və elektrik xətləri daxil olmaqla kommunikasiyanın inkişafı planlaşdırılır. Məqalədə vurğulanır ki, təşəbbüsün əsas məqsədlərindən biri güclü iqtisadi, siyasi və mədəni əlaqələr vasitəsilə regional sülhün bərqərar olmasına töhfə verməkdir.
Yunanıstanın xarici işlər naziri Corc Cerapetritis də bu təşəbbüsü dəstəklədiyini bildirib və bəyan edib ki, “Sülhün kəsişməsi” regional problemlərin ədalətli və mümkün həlli ola bilər.
Məqalədə qeyd olunur ki, “Sülhün kəsişməsi” təşəbbüsü bir sıra ölkələrdən, o cümlədən ABŞ, Aİ, Fransa, Yunanıstan, Rusiya, Almaniya və Böyük Britaniyadan dəstək alıb. Məqalədə bildirilir ki, bu təşəbbüs Cənubi Qafqazı beynəlxalq ticarət və əməkdaşlıq mərkəzinə çevirə bilər.
Məqalədə həmçinin Ermənistana Qara dəniz və Fars körfəzi regionlarını birləşdirməyə, avtomobil nəqliyyatı, boru kəmərləri və elektrik ötürülməsi imkanlarını genişləndirməyə imkan verəcək nəqliyyat dəhlizlərinin şaxələndirilməsinin vacibliyi vurğulanır.
Məqalədə Ermənistanın “Sülhün kəsişməsi” təşəbbüsünün regionda sülh və sabitliyin bərqərar olmasına mühüm töhfə olduğu bildirilir.
