Yanvarın 9-da Ermənistan Respublikası Təhlükəsizlik Şurasının katibi Armen Qriqoryan İran İslam Respublikasının Ali Milli Təhlükəsizlik Şurasının katibi Əli Əkbər Əhmədianı qəbul edib.
Ermənistanın Təhlükəsizlik Şurasının katibi İran İslam Respublikası Ali Şurası katibinin Ermənistana səfərini alqışlayıb. Təhlükəsizlik Şurasının katibi ikitərəfli əlaqələrin inkişaf etdirilməsin əsaslanan yüksək səviyyəli qarşılıqlı səfərlərə əhəmiyyət verib.
Əli Əkbər Əhmədian də öz növbəsində qeyd edib ki, ikitərəfli münasibətlərin möhkəm təməlləri var və heç nə onları dəyişdirə və ya sarsıda bilməz.
Görüş zamanı tərəflər regional inkişaflara və bu kontekstdə Ermənistan-İran əməkdaşlığının perspektivlərinə toxunublar.
Tərəflər artıq əldə edilmiş razılaşmaların həyata keçirilməsini müzakirə edib, əməkdaşlığın yeni yollarını qeyd ediblər, iqtisadi əlaqələrin inkişafına toxunub, infrastrukturun inkişafı proqramları ətrafında fikir mübadiləsi aparılıb.
Onlar Ermənistan və İran arasında inkişaf edən ikitərəfli münasibətləri məmnunluqla qeyd ediblər.
