Ermənistanın Müdafiə naziri Suren Papikyan hesab edir ki, Ermənistan tərəfinin Azərbaycana qarşılıqlı silah nəzarəti təklifi regionun xeyrinə olacaq.
Yanvarın 15-də jurnalistlərlə görüşündə ER Baş nazirinin bu yaxınlarda səsləndirdiyi təkliflə bağlı sualı cavablandıran nazir qeyd edib ki, bununla bağlı beynəlxalq təcrübə və standartlar mövcuddur.
Onun sözlərinə görə, ölkələr qarşılıqlı razılaşma əsasında silahlanmaya nəzarət edə və məhdudlaşdıra bilər. Papikyan hesab edir ki, belə bir razılaşma və onun həyata keçirilməsi region üçün faydalı olacaq, onun silahlanma yarışına girməsinin qarşısını alacaq.
Bizim vəzifəmiz ərazi bütövlüyünün və suverenliyinin təminatlarından biri kimi döyüşə hazır orduya sahib olmaqdır”- deyə nazir vurğulayıb.
Silahdan istifadənin məhdudlaşdırılması təklifi ilə bağlı sualı cavablandıran nazir bildirib ki, mexanizmlərdən danışmaq üçün onlar hamı üçün məqbul olmalıdır.
Hal-hazırda hələ cavab almayan bir şeyə münasibət bildirmək istəyi yoxdur. Belə olanda biz müzakirə edə, problemləri qaldıra bilərik. Nazir razılaşdırılmamış məsələnin müzakirəsini yersiz hesab edir.
Hərbi balansın pozulub-pozulmadığı ilə bağlı suala cavab olaraq nazir Ermənistanın heç kimlə, o cümlədən Azərbaycanla silahlanma yarışına girmək niyyətində olmadığını bir daha vurğulayaraq bunun səbəblərindən birini – büdcə ölçülərinin fərqini və bunun gətirdiyi bütün nəticələri göstərib.
Əgər biz regionda uzunmüddətli sülh istəyiriksə, nəzarəti bərqərar etmək və etimadı artırmaq üçün siyasi iradə lazımdır” – deyə Papikyan hesab edir.
