Beynəlxalq Cinayət Məhkəməsinin keçmiş Baş prokuroru Luis Moreno Okampo bildirib ki, Dağlıq Qarabağın keçmiş hərbi-siyasi rəhbərliyinə qarşı Azərbaycanın uydurma ittihamları, Dağlıq Qarabağ xalqına, o cümlədən Bakıda qeyri-qanuni saxlanılan erməni məhbuslara qarşı törədilmiş cinayətləri gizlədir.
Alınan məlumata görə, Luis Moreno Okampo bu haqda X sosial şəbəkəsində etdiyi paylaşımda qeyd edib və eyni zamanda, yanvarın 17-də Bakıda qeyri-qanuni və uydurma ittihamlarla Azərbaycanın həbsxanalarında saxlanılan Dağlıq Qarabağın keçmiş hərbi-siyasi rəhbərliyinin üzvlərinə qarşı cinayət proseslərinin başlayacağını xatırladıb.
Azərbaycanda qeyri-qanuni şəkildə saxlanılan Arayik Harutunyan və Ruben Vardanyanın işi ilə bağlı məhkəmə gedişatı yanvarın 17-də başlayacaq.
“Azərbaycanın uydurma ittihamları Dağlıq Qarabağ xalqına, o cümlədən məhbuslara qarşı törədilmiş cinayətləri ört-basdır edir. Stalin ölüb, amma Əliyev ondan öyrənir – düşmənlərini hədəfə almaq üçün nümayişkaranə məhkəmə proseslərindən istifadə edir. Bu isə, indiki zamanda Azərbaycanda baş verir” – deyə Okampo vurğulayıb.
