Ermənistanın Baş naziri Nikol Paşinyan İctimai Televiziyaya verdiyi müsahibədə sosial şəbəkələrdəki aktivliyinə toxunaraq qeyd edib ki, iş günü saat 05:00-da başlayır və çox gec bitir.
Baş nazir vurğulayıb ki, ölkənin bütün institutları fasiləsiz çalışır.
“Bu gün biz aşağıdakı strategiyanı qəbul etmişik: başa düşürük ki, regionda və onun xaricində yeni eskalasiyanın formalaşdırılmasını və təşviqini qarşıya məqsəd qoymuş qüvvələr var.
Bunun mühüm hissəsi, kobud desək, üzr istəyirəm, sadə dildə desəm, hər şey söz müharibəsindən başlayır. Çox vaxt bəzi məşhur qüvvələr bizi söz müharibəsinə cəlb etməyə çalışır.
Ənənəvi olaraq biz həmin məntiqdə olmuşuq və bu, regionu partlatmaq üçün istifadə edilib” – deyə Paşinyan bildirib.
Baş nazir qeyd edib ki, onların strategiyası eskalasiyaya imkan verməmək, hər şeyə elə reaksiya verməkdir ki, eskalasiya, müharibə, ən azından bunun üçün bəraət və ya zəmin yaranmasın.
“2024-cü ildə son 15-20 ilin ən sakit vəziyyətinin olması da bu strategiya ilə əlaqədardır. Vacibdir ki, vətəndaşlarımız bunu başa düşsünlər: biz bəzi şeylərə adekvat cavab verməməyimiz səbəbsiz deyil.
Əksinə, biz həmin ritorikada təxribatların mövcudluğunu anlayırıq. Onların əsas məqsədlərindən biri də bizi öz strategiyamızdan çıxarıb onların strategiyasına cəlb etməkdir” – deyə Baş nazir vurğulayıb.
