İranda Ermənistanın səfiri Qriqor Hakobyan İran İslam Respublikası Prezidentinin müavini, Proqramlaşdırma və Büdcə Təşkilatının rəhbəri və Ermənistan-İran arasında İkitərəfli Hökumətlərarası Birgə Komissiyanın həmsədri Seyyed Hamid Purmohammadi ilə görüşüb.
Bu barədə Ermənistanın İrandakı səfirliyi məlumat verib.
Tərəflər keçən il Tehranda keçirilmiş 18-ci iclasın əhəmiyyətini vurğulayıblar.
Görüşdə komissiya çərçivəsində ikitərəfli əməkdaşlığın daha da dərinləşməsi zərurətinə də toxunulub.
Səfir Hakobyan və müavin Purmohammadi ikitərəfli gündəliyin bir sıra məsələlərini, xüsusilə yol nəqliyyatı, infrastruktur və energetika sahələrinə dair məsələləri müzakirə ediblər.
Görüşdən əvvəl səfirin Hökumətlərarası Birgə Komissiyanın katibi Peyman Mirabi ilə şəxsi söhbəti olub.
