Moskva Yerevanla Bakı arasında danışıqları dəstəkləməyə hazırdır. Bunu Rusiya prezidentinin sözçüsü bildirib.
“Biz Yerevandan müxtəlif səviyyələrdə vasitəçilərə ehtiyac olmadığı barədə bəyanatlar eşitmişik. Yerevan və Bakı prosesin sonuna qədər danışıqları təkbaşına davam etdirə bilirlər. Biz bu səyləri dəstəkləyirik”, – Dmitri Peskov qeyd edib.
Kreml sözçüsünün sözlərinə görə, əsas odur ki, Cənubi Qafqaz proqnozlaşdırıla bilən, sülhsevər olaraq qalsın, tərəqqi və əməkdaşlıq regionuna çevrilsin.
