Ermənistan futbol millisi yeni baş məşqçi ilə təmin olunub. Alınan məlumatına görə, bu barədə UEFA-nın məlumatlandırıb.
Ermənistanda 61 yaşlı hollandiyalı məşqçi Con van ‘t Şip millinin başçısı olacaq. Onun köməkçisi olacaq keçmiş Niderland futbolçusu Aaron Vinterdir.
HFF-nin rəhbəri Armen Melikbekyan Con van ‘t Şipi HFF İcra Komitəsinin üzvlərinə təqdim edib. HFF İcra Komitəsi van ‘t Şipin Ermənistan milli komandasının baş məşqçisi vəzifəsinə namizədliyini təsdiqləyib.
Məşqçi öz vəzifələrini 2025-ci il martın 1-dən icra etməyə başlayacaq. Müqavilə 1+1 formatında hazırlanıb.
Con van ‘t Şip 1963-cü il dekabrın 30-da anadan olub.
Futbolçu Karyerası:
Niderland Milli Komandası – 41 oyunda 2 qol
1981-1992 “Ayaks” (Niderland) – 273 oyunda 29 qol
1992-1996 “Cenoa” (İtaliya) – 107 oyunda 11 qol
Futbolçu kimi Niderland milli komandası ilə 1988-ci ildə Avropa çempionu olub, “Ayaks” ilə 4 dəfə (1981-1982, 1982-1983, 1984-1985, 1989-1990) Niderland çempionu titulu qazanıb, daha 3 dəfə Niderland kubokunu (1982-1983, 1985-1986, 1986-1987) qazanıb, UEFA Kuboklar Kubokunun (1986-1987) və UEFA Kubokunun (1991-1992) qalibidir.
Məşqçi kimi “Ayaks” və Yunanistan milli komandasını çalışdırıb, Niderland milli komandasının baş məşqçisi Marko van Bastenin köməkçisi olub. Avstraliyanın “Melburn Siti” komandası ilə 2016-cı ildə Avstraliya kubokunu qazanıb.
