Sosial platformalarda məlumat yayılmışdı ki, Romanın Kolizeyinin ikinci mərtəbəsində yerləşən sərgidə bir xəritə var və bu xəritədə region ölkələri arasında Ermənistan qeyd olunmayıb.
Məlumata görə, xəritə Kolizeyin ikinci mərtəbəsində, “Göbeklitepe. L’enigma di un luogo sacro” (Göbeklitepe. Müqəddəs məkanın sirri) adlı sərginin girişində yerləşirdi.
Kolizeyin arxeoloji parkının rəsmi saytında bildirilir ki, sərgi Kolizeyin arxeoloji parkı, Türkiyə Respublikası Mədəniyyət və Turizm nazirliyi və Romadakı Türkiyə səfirliyinin əməkdaşlığı çərçivəsində təşkil olunub.
Bu məsələ ilə bağlı izahat almaq üçün Ermənistan Xarici işlər nazirliyinin sözçüsü Ani Badalyana müraciət edib. O, bildirib ki, sərgi ilə bağlı məlumat əldə edildikdən dərhal sonra Ermənistanın Romadakı səfirliyi vasitəsilə məsələ İtaliyanın müvafiq qurumlarının və təşkilatçıların diqqətinə çatdırılıb.
Nəticədə problemin həll olunmasına müsbət reaksiya verilib.
“Hazırda Ermənistan xəritədə əks olunub” – deyə Badalyan vurğulayıb.
Sərgi martın 2-dək davam edəcək.
