Ermənistanın ikinci Prezidenti, “Hayastan” blokunun rəhbəri Robert Koçaryan hər yolla ATƏT-in Minsk Qrupunu saxlamağın zəruriliyini görür.
Koçaryan bu fikri mətbuat konfransında bildirib: “Hər yolla Minsk Qrupunu saxlamaq lazımdır, çünki əgər indi Minsk Qrupu ləğv olunarsa, bu cür yeni beynəlxalq format yaratmaq çox çətin olacaq”- deyə Koçaryan qeyd edib.
O, vurğulayıb ki, Minsk Qrupu danışıqlar formatı kimi yaradılıb və qala bilər. Koçaryana görə, yalnız yeni işləyən danışıqlar formatı yaradıldıqdan sonra onu ləğv etmək olar.
Minsk Qrupunun ləğv olunması təklifini Azərbaycanın Prezidenti İlham Əliyev irəli sürüb. Jurnalist ilə müsahibəsində Baş nazir Nikol Paşinyan, ATƏT-in Minsk Qrupunun ləğv olunması ideyasına Ermənistanın mövqeyi ilə bağlı sualı cavablandırarkən, “konstruktiv” olduğunu vurğulayıb.
O, Ermənistanın, əgər münaqişə yoxdursa, münaqişənin həlli ilə məşğul olan formatın mövcudluğunun mənasını anladığını bildirib.
Ancaq eyni zamanda, Azərbaycanın, bu eyni məntiq ilə məsələyə yanaşdığını və “Qərbi Azərbaycanın” müzakirəsi ilə Ermənistan Respublikasının ərazisinə qarşı aqressiv siyasət yürütmədiyini təsdiqləməyin vacib olduğunu vurğulayıb.
