Baş nazirin müavini Tiqran Xaçatryan Avropa Yenidənqurma və İnkişaf Bankının Qafqaz regionu üzrə rəhbəri Alkis Drakinos ilə görüşüb.
Görüşdə AYİB-in Ermənistan nümayəndəliyinin rəhbəri George Axalkatsi də iştirak edib. Bu barədə Ermənistan hökuməti məlumatlandırıb.
Baş nazir müavini qonaqları salamlayaraq həm infrastruktur islahatları, həm də maliyyə bazarının inkişafı, xüsusilə də KOM-ların maliyyələşdirilməsinə çıxışın yaxşılaşdırılması baxımından AYİB-in Ermənistandakı rolunu xüsusi qeyd edib.
Görüş zamanı həmsöhbətlər ikitərəfli əməkdaşlığa dair geniş spektrli məsələlərə, o cümlədən yol tikintisi, su sistemi, eləcə də bərk məişət tullantılarının idarə olunması sahələrində cari proqramlara, əməkdaşlığın genişləndirilməsi imkanlarına toxunmuşlar.
