Ağ Ev Trampın vəzifədə olduğu bir ay ərzində nailiyyətlərini sadalayıb

Ağ Ev Donald Tramp administrasiyasının fəaliyyətinin ilk 30 günü ərzində əldə etdiyi nailiyyətlərin siyahısını əks etdirən sənəd dərc edib.

Əsas sahələrə təhlükəsizlik, xarici siyasət, iqtisadiyyat, həyat səviyyəsinin ucuzlaşdırılması, enerji və hökumətin səmərəliliyinin artırılması daxildir” – deyə “Amerikanın səsi” xəbər verib.

“Sədr Donald Tramp cəmi bir ay əvvəl vəzifəyə başlayıb, lakin o, artıq əksər prezidentlərin bütün idarəçilik müddətində etdiklərindən daha çox iş görüb və Amerika üçün yeni bir qızıl dövrün başlanacağı vədini yerinə yetirib” – deyə sənəddə vurğulanıb.

Xarici siyasət sahəsində nailiyyətlər bunlardır:

Prezident Tramp Rusiya prezidenti Vladimir Putin və Ukrayna prezidenti Vladimir Zelenski ilə danışıb və danışıqlar nəticəsində sülhə nail olmağa çalışıb.

Prezident Tramp İran üzərində maksimum təzyiq siyasətini bərpa edib.

Prezident Tramp İranın dəstəklədiyi husiləri xarici terror təşkilatları siyahısına daxil edib.

Prezident Tramp İsrailin Baş naziri Benyamin Netanyahu ilə görüşərək Qəzzada daimi sülh üçün cəsarətli konsepsiya təklif edib.

Prezident Tramp BMT-nin qaçqınlar agentliyinin maliyyələşdirilməsini qadağan edib, çünki burada yüzlərlə HAMAS döyüşçüsü və cihadçı çalışırdı.

Prezident Tramp ABŞ-ın daxili işləri ilə qanunsuz şəkildə məşğul olan və əsassız olaraq İsrailin baş naziri Benyamin Netanyahu üçün həbs orderi verən Beynəlxalq Cinayət Məhkəməsinə qarşı sanksiyalar tətbiq edib.

Prezident Tramp Daxili İşlər nazirliyinin rəsmi xəritə bazasına yeni ad daxil etməsindən sonra “Amerika Körfəzi Günü” elan edib.